1. Auknar tekjur fyrir þig og fjölskyldu þína.

Markmið okkar er að hjálpa þér að skapa mestu mögulegu tekjur af bústaðnum og um leið að auðvelda þér vinnuna. Eina sem að þú þarft að ákveða er hvernig þú vilt eyða þessum auknu tekjum. Byrjaðu að græða á eigninni þinni strax!

2. Tími þinn er mikilvægur.

Við gerum okkur grein fyrir því að tíminn er mikilvægur fyrir þig og þess vegna höfum við hannað bókunarþjónustu þar sem að þú þarft ekki að vera sífellt í símanum, skrifa tölvupósta, ganga frá alþjóðlegum greiðslum og markaðssetja eignina. Við tökum allt þetta að okkur svo að þú getir nýtt tíma þinn betur.

3. Auktu sýnileika eignarinnar.

Með Bungalo geturðu verið viss um að eignin sé ómótstæðileg fyrir alþjóðlegum ferðamönnum í leit að bústað á Íslandi. Ef þig vantar myndir af húsinu þá getum við aðstoðað með það. Ef þig vantar aðstoð við að þýða lýsinguna yfir á ensku þá gerum við það. Kosturinn við að velja Bungalo er að við munum gera vinnuna fyrir þig.

4. Aukning á útleigu tryggð.

Þú munt aldrei þurfa að borga krónu þangað til að fyrsta bókunin er tryggð. Margar bókunarsíður vilja greiðslur fyrir þjónstu sína áður en bókanir eru farnar að koma inn. Það getur tekið tíma að byrja að fá byrja að fá bókanir og munum við sjá til þess að þú munir hagnast vel. Við munum ekki fá neitt greitt frá þér nema að þú fáir greitt.

Hvernig virkar kerfið?

Vefsíðan er hönnuð með það að markmiði að aðstoða eigendur við að leigja út eign sína yfir þann tíma sem að hún er ekki í notkun. Eigendur einfaldlega skrá eign sína á síðuna, taka frá þá daga sem ekki eru lausir og svo sér Bungalo um að bóka þá daga sem eru lausir.

Hversu mikið kostar að skrá eign hjá Bungalo?

Það kostar ekkert að skrá eign hjá Bungalo. Bungalo fær einungis greitt ef að eigandi fær greitt. Bungalo tekur 15% þóknun+vsk af hverri bókun sem í gegnum kerfi okkar. Það er enginn falinn kostnaður, árgjöld eða neitt slíkt.

Hvenær fæ ég borgað?

Bungalo millifærir upphæðina að frádreginni 15% þóknun+vsk inn á reikning hjá eiganda fyrsta virka dag í mánuðinum eftir að leigjandinn dvaldi í eigninni.

Hvernig eru afbókunarskilmálar and hvernig virka þeir?

Afbókun þarf að berast til Bungalo með tölvupósti eða öðrum skilvirkum leiðum. Ef að afbókun á sér stað 30 dögum eða meira fyrir komudag, þá á leigjandi rétt á 80%% endurgreiðslu á heildarleigufjárhæðinni. Ef að afbókun á sér stað 29 - 8 dögum fyrir komudag, þá á leigjandi rétt á 20%% af heildarleigufjárhæð. Ef að afbókun á sér stað 7 dögum eða færri fyrir komudag þá fæst engin endurgreiðsla.

Hvernig fæ ég að vita að bókun hafi verið gerð?

Um leið og bókun hefur verið staðfest með greiðslu þá fær leigjandinn sem og eigandinn tölvupóst með bókunarupplýsingum. Í þessum upplýsingum koma fram upplýsingar um leigjandann sem og eigandann og geta því hafist samskipti þar á milli.

Þarf ég að samþykkja hverja bókun?

Nei, bókunarkerfið er rauntímabókunkerfi sem að þýðir að ef að dagur er laus sem að leigjandi hefur áhuga að bóka þá getur hann gert það svo lengi sem að það eru meira en 48 klst í dvöl. Það þýðir að mikilvægt er að eigandi taki frá þá daga sem ekki eru lausir.

Hversu mikill fyrirvari er á bókunum?

Bókun getur verður að vera gerð með meira en 48 klst fyrir dvöl. Ef að leigjandi vill bóka með minni fyrirvara þá þarf eigandi að samþykkja bókunina.

Má eignin vera skráð á öðrum bókunarsíðum?

Já, það er ekkert því til fyrirstöðu að þú skráir inn eignina á aðrar síður. Mikilvægt er að uppfæra dagatalið ef að bókun kemur í gegnum aðrar síður. Með því að skrá eignina hjá Bungalo fer eignin sjálfkrafa inn á Tripadvisor, Flipkey og Holiday Lettings að kostarlausu fyrir eigendur og sér Bungalo um þá tengingu.

Hvað ef ég er með mismunandi verð á sumrin á veturna?

Hægt er að skrá inn mismunandi verð fyrir sumar- og vetrartímabilið. Sumartímabilið telur frá 15 maí – 14 sept. Vetrartímabilið telur frá 15 sept til 14 maí. Þá er hægt að hafa mismunandi verð á virkum dögum og um helgar.

Hvað ef eignin er ekki laus yfir sumarið?

Í bókunarkerfinu er hægt að bóka allt árið um kring þannig að þó að sumarið yrði tekið frá þá getum við aðstoðað þig við að bóka önnur tímabil. Mikilvægast er að taka frá þá daga sem ekki eru lausir og þá gengur þetta vel fyrir sig.

Hvað ef eignin er einungis laus yfir sumarið?

Það er ekkert mál, þá tekurðu bara alla aðra daga frá og heldur þeim lausum sem er í lagi að bóka. Eigandi eignarinnar hefur fulla stjórn á því hvaða daga er í lagi að bóka.

Getur fólk bókað langt fram í tímann?

Það er hægt bóka 2 ár fram í tímann svo lengi sem að dagarnir eru ekki fráteknir eða meira en 48 klst eru í dvalartímann. Algengt er að erlendir ferðamenn bóki bústaði marga mánuði fram í tímann og því mikilvægt að hafa dagatalið rétt uppfært.

Hvað geri ég ef að ég lendi í tvíbókun?

Tvíbókun er þegar að bókun er gerð á tímabil sem að er þegar búið að bóka. Þetta getur gerst þegar að ekki er búið að taka frá daga sem að eru bókaðir í gegnum aðra síðu eða fráteknir fyrir fjölskylduna. Ef að tvíbókun kemur upp þá er mikilvægt að hafa samband við leigjandann og upplýsa um vandamálið og láta starfsmann Bungalo einnig vita.

Get ég tekið frá daga í dagatalinu fyrir fjölskyldu og vini?

Já það er ekkert mál. Eigandi skráir sig þá inn og tekur frá þá daga sem eru fráteknir fyrir fjölskylduna eða vini.

Hvar sækja leigjendur lyklana að húsinu?

Það er ábyrgð eiganda að afhenda leigjanda lykla að húsinu. Mögulegt er fyrir eigendur að hafa ábyrgðaraðila nærri eigninni sem að getur afhent lyklana eða setja upp lyklabox og gefa leigjandanum upp kóðann.

Hvernig eignum tekur bungalo við?

Við sérhæfum okkur í einstökum eignum sem bjóða gestum upp á minnistæða upplifun. We tökum við eignum sem eru í góðu ástandi, hafa sérinngang og eru staðsettar nálægt náttúru. Þú getur sett inn eignina þína hingað og strax fengið svar frá okkur.

Þurfum við leyfi til að geta leigt eignina út í gegnum Bungalo?

Bungalo skyldar eigendur ekki til að vera með leyfi til að skrá eignina. Hinsvegar þá er sterklega mælt með því að eigendur hafi öll tilskyld rekstrarleyfi. Bungalo getur aðstoðað eigendur við að fá upplýsingar um hvernig skuli sækja um leyfi

Hvaða tryggingar þarf ég til að leigja út eignina mína?

Bungalo skyldar eigendur ekki til að vera tryggðir til að skrá eignina. Það er sterklega mælt með því að eigendur séu tryggðir til vera öruggir að fá hluti bætta ef að tjón kemur upp eftir dvöl leigjanda.

Hvernig eru skilmálar Bungalo við skemmdum á bústað eftir leigjanda?

Leigjendur sem að bóka í gegnum Bungalo þurfa að samþykkja skilmála þar sem að þeir samþykkja að ábyrgjast þær skemmdir sem að verða á eigninni að þeirra völdum. Leigjendur eignarinnar eru ábyrgir fyrir því tjóni sem kann að verða á eigninni og eiga að upplýsa eiganda um leið ef að skemmdir verða á eigninni. Bungalo ber enga ábyrgð á því tjóni, skemmdum eða þeirri rýrnun sem kann að verða við útleigu bústaðar af völdum leigjanda eða af öðrum ástæðum meðan á útleigu stendur. Ef að skemmdir verða þá getur Bungalo aðstoðað sem milliður til að ná sáttum á milli eiganda og leigjanda og sent kröfu á leigjanda um að greiða þær skemmdir sem urðu.

Hvernig geta leigjendur skilað inn umsögn um dvölina?

Aðeins leigjendur sem að hafa bókað eignina í gegnum Bungalo geta skilað inn umsögn um dvölina. Þannig tryggir Bungalo að þær umsagnir sem að gerðar eru koma frá raunverulegum leigjendum. Um leið og dvöl leigjanda lýkur þá er send beiðni til leigjanda um að skrifa umsögn og gefa stjörnugjöf.