Grýtubakki 3

Description

Grýtubakki 3 er byggt sem íbúðarhús. Þar eru 2 svefnherbergi með rúmi fyrir tvo. Í stofu er sófasett. Sængur og koddar eru fyrir fjóra en sængurver þurfa gestir að hafa með sér ásamt viskustykkjum, handklæðum og tuskum. Það er eldhúsborð fyrir 4-5 manns og borðstofuborð fyrir 6 manns. Borðbúnaður er fyrir 6 manns. Stór verönd er fyrir utan húsið þar sem hægt er að sitja úti við bekk sem þar er.

Húsið stendur rétt fyrir utan Grenivík eða það er ca 5 mín akstur til Grenivíkur, 30 mín. akstur til Akureyrar og 50-60 mín. akstur til Húsavíkur. Á Grenivík er útisundlaug og heitur pottur. Þar er matvörubúð, svo kölluð Jónsabúð.

Leiðarlýsing:
Grýtubakki 3 stendur við utanverðan Eyjafjörð ca 30 km frá Akureyri. Frá Leirunesti á Akureyri er ca. 25 mínútna akstur að húsinu.
Ef fólk kemur að sunnan þá þarf að keyra í gegnum Akureyri og út úr bænum í hinn enda þess. Keyrt er í átt að Húsavík eða eins og ferðinni sé heitið austur á land. Tekin er beygja til vinstri hjá svokölluðu Leirunesti áður en Akureyri er yfirgefin. Þaðan er síðan keyrt sem leið liggur í ca. 10-15 mínútur. Þá er komið að afleggjara sem merktur er Grenivík og liggur til vinstri. Þar er beygt og aftur er keyrt sem leið liggur framhjá Gamla bænum í Laufási. Þá er komið að brú sem liggur yfir Fnjóská. Þegar yfir brúna er komið þá er beygt til vinstri og keyrt í nokkrar mínútur. Þá fara að sjást á hægri hönd sveitabýlin, Hléskógar, Pólarhestar, Grýtubakki 1 og síðan Grýtubakki 3 sem er gult hús með rauðbrúnu þakskeggi á hægri hönd.

Annað:
* Hægt er að leigja sængurver og handklæði. Sængurver kosta 1.500 kr. og handklæði 500 kr.

Cancellation policy

Strict

A reservation can be cancelled 30 days or more prior to the scheduled arrival date and 80% of the rental price will be repaid.