Öskubakki/Grýtubakki 4

Description

Öskubakki er lítið 35 fm bjálkahús sem stendur við stærra íbúðarhús, Grýtubakka 3. Þar eru 2 svefnherbergi fyrir fjóra. Annað herbergið er með tvíbreiðu rúmi en hitt herbergið er með koju fyrir tvo. Í stofu er sófi og lítill eldhúskrókur. Lítil eldavél með fjórum hellum. Svo er örbylgjuofn, útvarp og lítill ísskápur. Baðherbergi er með sturtu. Sængur og koddar eru fyrir fjóra. Sængurver og handklæði er hægt að kaupa aukalega. Borðbúnaður er fyrir fjóra. Gæludýr ekki leyfð.

Húsið stendur rétt fyrir utan Grenivík eða það er ca 5 mín akstur til Grenivíkur, 30 mín. akstur til Akureyrar og 50-60 mín. akstur til Húsavíkur. Á Grenivík er útisundlaug og heitur pottur. Þar er matvörubúð, svo kölluð Jónsabúð.

Leiðarlýsing:
Öskubakki stendur við utanverðan Eyjafjörð ca 30 km frá Akureyri. Frá Leirunesti á Akureyri er ca. 25 mínútna akstur að húsinu.
Ef fólk kemur að sunnan þá þarf að keyra í gegnum Akureyri og út úr bænum í hinn enda þess. Keyrt er í átt að Húsavík eða eins og ferðinni sé heitið austur á land. Tekin er beygja til vinstri hjá svokölluðu Leirunesti áður en Akureyri er yfirgefin. Þaðan er síðan keyrt sem leið liggur í ca. 10-15 mínútur. Þá er komið að afleggjara sem merktur er Grenivík og liggur til vinstri. Þar er beygt til vinstri og aftur er keyrt sem leið liggur framhjá Gamla bænum í Laufási. Þá er komið að brú sem liggur yfir Fnjóská. Þegar yfir brúna er komið þá er beygt til vinstri og keyrt í nokkrar mínútur. Þá fara að sjást á hægri hönd sveitabýlin, Hléskógar, Pólarhestar, Grýtubakki 1 og síðan Grýtubakki 3 sem er gult hús með hvítu þakskeggi á hægri hönd. Þar er Öskubakki

Cancellation policy

Strict

A reservation can be cancelled 30 days or more prior to the scheduled arrival date and 80% of the rental price will be repaid.